As compoñentes do EDLG nos talleres de Auto coas entrevistadas |
Nuria Díaz e Rosalía Fernández, compoñentes do Equipo de Dinamización da Lingua Galega entrevistaron ás alumnas do Ciclo Electromecánica de vehículos automóbiles Patricia Casas e Lucía Seijas, dentro do proxecto "Visibilizando á muller na Formación Profesional" con motivo do Día da Muller que se celebra o 8 de marzo.
Esta é a entrevista:
Cal foi o motivo de matricularte neste Ciclo, por vocación ou polas saídas laborais que ten? Como o coñeciches?
PATRICIA:Sempre me gustou o mundo do motor e teño a idea de poder montar un coche para correr.
Que proporción de homes/mulleres hai no alumnado deste ciclo? E cal é a proporción profesoras/profesores nos módulos que cursades?
LUCÍA:O número de mulleres é moi escaso nos Ciclos Formativos, salvo no de Administrativo;Profesoras só hai unha no Ciclode Carrozaría.
As instalacións do centro, das aulas, dos baños...están adaptadas ás necesidades de homes e mulleres? Hai algo que se podería mellorar?
P:Si, están ben acondicionados. Quizais se podería mellorar a temperatura desta aula, o aillamento.
Atopástesvos con algún caso de discriminación de xénero por parte dos compañeiros/profesores ? Nos talleres escoitastes algunha vez tópicos coma o de "muller tiñas que ser" ?
L: Non, a verdade é que nos tratan moi ben; case se pode dicir que somos nós as que mandamos.
Pensades que no mundo laboral ao que podades acceder co título deste ciclo hai igualdade de salarios para postos equivalentes? Contrataranvos con maior reserva por ser mulleres (posibilidade de embarazos,...)
P: Non penso que haxa diferenza en canto a salarios, pero si que terán en conta a posibilidade de embarazos.
Credes que é válido supoñer que este tipo de ciclos "é de homes" e que á súa vez non vale para mulleres?
L: Penso que o ciclo serve por igual para homes e mulleres.
Academicamente, que vos está a parecer o ciclo?
P: Paréceme ben. Ás veces a teoría é un pouco "machacada", pero aprendes bastante.
Todas as clases son en galego
Pensades que lle estades abrindo o camiño a outras mulleres?
L: Pode ser que si. Se nos ven estudando aquí este ciclo, pódense animar outras a facer o mesmo.
Práctica de taller |
Como vedes a "saúde" da lingua galega na FP?
L:Todas as clases son en galego e cos nosos compañeiros tamén o usamos sempre.
E por último, segue sendo necesario un 8 de marzo "Día Internacional das Mulleres?
P e L: Pensamos que si porque en moitas cousas non nos dan a importancia que deberían e...alomenos temos un día para nós.
Comentarios
Publicar un comentario