O 28 de febreiro celebouse por terceiro ano consecutivo a mostra das III Xornadas de Emprendemento no salón de actos do noso centro. Nesta exposición do módulo de Simulación Empresarial que imparte a profesora Yolanda Fernández expuxeron catro empresas; dúas delas, Hotel Cramer e Tenda de maqillaxe Visage irán ao concurso Miniempresas que patrocina a Fundación Alcoa e que coordina a Consellería de Educación.
Presentación de Hotel Cramer |
O proxecto que presentaron Cristina, Melody e Adrián é Hotel Cramer, un hotel de catro estrelas, adicado a eventos e cunha boa oferta de rutas e excursións alternativas pola Mariña.
Outra proposta empresarial foi Vegalian, negocio de comida vegana e vexetariana que presentaron Sol, Úrsula e Yanira; foi esta última, vegana, quen animou a crear esta tenda que foi das que máis interese despertou, invitando ao público a probar as súas receitas de pizzas, croquetas e mesmo hamburguesas.
Stand de Vegalian |
Saray e Elsa Mª presentaron a súa iniciativa turística Elsisagar, un barco de pasaxe para realización de grandes eventos, estancias e circuítos por mar.
Sesión de maquillaxe |
Desde o blog do EDLG só nos queda agradecerlles a invitación a estas III Xornadas, desexarlles o mellor a esta rapazada emprendedora e transmitirlles os nosos parabéns a todo o alumado e profesorado do Ciclo. Agardamos contar con outras xornadas o vindeiro curso.
Comentarios
Publicar un comentario